«Әділет» дебат клубының жұмысы

№ 32 жалпы білім беретін мектеп жасына дейінгі шағын орталығы бар орта мектеп  бойынша «Әділет» дебат клубының  жұмысы туралы 

                                                    мәлімет 

«Әділет» дебат клубының   мақсаты: мектеп оқушыларының арасында жалпы мәдени ой-өрісін кеңейту, шешендік сөйлеу өнері дағдыларын және сендіру әдістерін қалыптастыру; зияткерлік, шығармашылық қабілеттерін дамыту және еліміздегі орын алған өзекті мәселелі жағдайларын талдау арқылы білім алушылардың позитивті көзқарасын қалыптастыру. 

     Биылғы 2021-2022 жылғы оқу жылы кезінде қыркүйек айынан бастап                  10 «А» және 10  «Ә» сыныптарымен «Ел басы- ел тірегі», «Сыбайлас жемқорлық- ғасыр дерті», «Қазіргі қазақ жастары қандай?» деген тақырыптарда дебат өткіздік. Дебаттық тақырыптарды 10 сыныптармен аптасына 2 мәрте, 2-3 сағат көлемінде өткіземіз. Алғашқы тақырыбымыз оқушылар мен дебат жетекшілерімен танысу сабағы ретінде өтті. Оқушыларды сергіту мақсатында ойындар ұйымдастырылды. Дебат турнирінде оқушыларды «Парламент» және «Оппозицияға»  бөліп, төреші сайланды. Бұл оқушылардың бәсекелеске түсуіне, өз ойларын ашық, нақты жеткізуіне септігін тигізеді. Төреші болу арқылы балалар әділдікті үйренеді.

      Қазіргі уақытта мектепшілшік дебат қозғалысын дамыту- басты мәселелердің бірі. Себебі, оқушылар арасында сыни ойлауды, қоғам алдындағы жауапкершілікті, саяси мәдениетті қалыптастыру қажет. Жастардың жан-жақты дамуы үшін пікірсайыс өте қажет. 

Дебат жетекшілері:      Тұрсынқали Меруерт

                                      Маулетбаева Лейла