"Өнерлі қыз, өнегелі жеңге"

"Өнерлі қыз, өнегелі жеңге" атты жеңгелер іс-шарасы 

19.01.2024ж мектебімізде 8-ші сыныптар арасында жоспар бойынша "Өнерлі қыз, өнегелі жеңге" атты іс-шарасы өткізілді.  

Мақсаты: қазақ қыздарына және ұлдарына тән инабаттылық, имандылық, әдептілік, батылдық, бауырмалдылық тәрбиелеуде қыздың да ұлдың да жеңгелерінен алатын орны ерекше екеніне тоқталу. Ұлттық  салт-дәстүрді қадірлеуге, туыстық қатынас, соның ішінде жеңгесінің алар орны мен рөлін ұғынуға тәрбиелеу. 

Құндылықтар: Ар-ұят, достарына , сыныптастарына, отбасы мүшелеріне қамқор болу, мейірімділік таныту. Өзін отбасының, сыныптың, мектептің, қоғамның , Отанның бір мүшесі екенін сезіну.

             Іс -шараға 8 сынып оқушыларының жеңгелері  қатысып , ой бөлісті. Атап айтқанда,Ногайбаева Ардақ,Мауленова Лаура,Мұқашева Маржан, Ақмурзина Айгерім. Ұлтық нақышта,  қайын сіңлілерін өз атымен атамайтын жеңгелер өз ақылдарын, сырларын айтып, жақсы көңіл-күй сыйлады. 

            Қыз өссе елдің көркі, гүл өссе-жердің көркі,  "Ақылды қыз білімге жүгірер,ақылсыз қыз сөзге ілінер " т.б сөздерге мән берілді.  Бірнеше сұрақтарға жауап беріліп, ойларын ортаға салды. Іс- шара соңында, жеңгелер ұстаздар қауымына алғыстарын айтып, өздерінің алғанәсерлерін жеткізді. 

        Іс – шара соңында қонаққа келген жеңгелерімізді «Қуыс үйден құры шықпа »деп сый сияпат жасап шығарып салдық.