Ата-аналармен бірлескен жұмыс

Белбұлақ ауылы № 32 орта мектеп пен ата-аналары комитетімен бірлескен жұмыс  барысы туралы.

           Мектепте ата-аналармен тығыз байланыс жасау мақсатында,               2021-2022 оқу жылында жоспар құрылып, бекітілді. Жоспар бойынша жұмыстар жүргізіліп, іс-шаралар атқарылуда.  Мектепішілік ата-аналар комитеті тағайындалды. Әр сыныпта ата-аналар комитеті тағайындалып, жұмыстар жүргізілуде.

     Атап айтатын болсақ қыркүйек айында «Отбасы апталығы» жасалынды, «Әке, шешем  және менің отбасым» тақырыбында отбасылық жарыс өткізілді. Аталған шараның маңыздылығын ескере отырып, қоса берілген ұсынымға сәйкес, мектепте іс – шараларды алдын-ала жоспарланған жоспар бойынша болып өтті. 

  «Отбасы – бақыт мекені» республикалық  аптаға іс-шара жоспары жасалып  бекітілді.   Жетім және ата –анасының қамқорлығынсыз қалған балаларға, даму  мүмкіндігі шектеулі балаларға арналған қайырымдылық акциялары өткізілді және көмек көрсетілді. Ата – аналар мен балалардың қатысуымен флеш – моб, балалар дебат турнирлерін, пікірсайыс алаңдарын, «Отан отбасынан басталады», «Отбасым менің қуатым», «Ата –анам және мен» атты тақырыптарында тәрбие сағаттары өткізіліп   видеороликтер жасалды. 

            Қараша айында алдын-ала бекітілген жоспар бойынша мектебімізде «Өнегелі отбасы» тақырыбында қашықтықтан  іс-шара болып өтті. Мақсаты: Салауатты өмір салтын қалыптастыру, ата - анамен бала арасында спорт мәдениетін кең тарату. Оқушыларды және ата - аналарды сұлу да сымбатты, денсаулығы зор, күшті болу үшін денені шынықтыру, оларға спортпен айналысудың қажет екендігін түсіндіру. Аталған іс-шараға бастауыш сынып оқушылары ата-аналарымен қатыстырылды. Сайыс төрт кезеңнен өтті, жарыс болған соң жеңімпазы да анықталды. Бірінші орынды 3 «Б» сыныбынан «Сұңқар» тобы, екінші орынды 4 «А» сыныбынан «Тұлпар» тобы, үшінші орынды 3 «А» сыныбынан «Қыран» топтары иеленді.

      Ата-ана комитетімен жүргізілетін жұмыстың ішінде ата-аналар жиналысы мәнді де мағыналы өткізілуде. Әрбір сыныпта ата-аналар жиналысы тоқсанына бір рет өткізіледі. Ата –аналармен сынып жетекшілер арасында қарым қатынас тығыз орын алған. Әр жиналыстарында сынып жетекшілер оқушылардың оқу үлгерімі, тәртібі, күнделік жағдай, сыртқы келбеті, мектеп формасы туралы айтады. Мектеп психологтары ата-аналармен жұмыс жүргізеді. Мектепішілік іс-шараларға ата –аналар белсенді қатысады. 

                              ДТІЖО:                     Е.Рыскулов

                                                                 А.Жусупалиева